-- ADVERTISEMENT --
Natapos na ang kampanya nanday Pinay star “Alex” Eala kag ang anay world No. 1 nga si Venus Williams sa doubles competition sa Bad Homburg Open pagkatapos nga napierde sila sa quarterfinals nanday Tereza Mihalikova sang Slovakia kag Olivia Nicholls sang Great Britain.
Antes sang kapierdihan, nakalab-ot na sanday Eala kag Williams sa quarterfinals pagkatapos nga ginlutos sanday Catherine Harrison kag Alexandra Osborne 6-3, 6-4 sang Miyerkules.
Ang kampanya ni Eala sa torneo natapos man pagkatapos nga napierde kay Elise Mertens sang Belgium sa una nga hugnat sang singles competition.
Apisar sang kapierdihan sa Bad Homburg Open, nakatutok na subong si Eala sa palaabuton nga Wimbledon Championships sa masunod nga semana.
