ROXAS
CITY – Patay ang isa ka Filipina worker sa Taiwan matapos
nag-angkon sang severe hydroflouric acid burns sang aksidente nga naulaan sang
kemikal.
Ginkilala ang biktima nga si Deserie Tagubasi
29-anyos nagatrabaho sa Junan Science Park sa idalum sang Dinyuan
Optoelectronics Technology Company.
Nahibaluan nga nagatinlo sang circuit boards ang
biktima gamit ang hydrofluoric acid sang aksidente sini nga maula ang
kemikal.
Sa pihak nga may suksok nga protective gear ang biktima,
wala ini nakaluwas matapos nga nagsulod ang hydrofluoric acid syrup sa sulod
sang gear nga gintunaan sang severe erosion sa paa sang biktima.
Gilayon ini nga gindala sa Taipei Rong
General Toxicology First Aid apang pagkaligad sang pila ka oras, ginbawian ini
sang kabuhi.
Samtang may patigayunon nga funeral mass karon
sa hapon sa Holy Family Catholic Church sa Chunan Maoli County, Taiwan para sa
napatay nga OFW.
