-- ADVERTISEMENT --
Tuman ang kasadya sang Filipino fashion designer nga si Ehrran Montoya matapos magdaog ang iya nga masterpiece nga “BANAAG” bilang Best in National Costume para kay Reina Hispanoamericana Filipinas 2025 Dia Mate.
Sa masobra 20 ka mga kandidata, nangin madinuagon ang panapton sang beauty queen gikan sa Cavite, sa Latin-dominated international beauty pageant nga ginahiwat sa karon sa Bolivia.
Ginpahayag ni Montoya nga inspirasyon sini ang Baroque churches sa Pilipinas. Ang obra ang pagkilala sa manggaranon nga kasaysayan sang pungsod. Pagahiwaton ang coronation night sang Reina Hispanoamericana 2025 sa Lunes, Pebrero 10, oras sa Pilipinas.
Tuyo nga ipauli ni Dia Mate ang pangaduwa nga korona sang pungsod sa nasambit nga pageant.
