-- ADVERTISEMENT --
ROXAS CITY – Patay ang isa ka Filipino migrant worker matapos malumos sa isa ka beach sa Tainan City, Taiwan.
Gilayon nga nagresponde ang Tainan City Government matapos makabaton sang report nga may yara sang nalumos nga grupo sang mga migrant workers sa isa ka sikat nga scenic spot nga Sunset Platform sa Anping District.
Anom ka mga indibidwal ang nadala pabalik sa higad sang baybay sang mga otoridad apang wala na nagaginhawa ang 30 anyos nga Pinoy migrant worker nga ginkilala nga si Renz gikan sa Pangasinan.
Gindala pa sa Kuo General Hospital ang biktima apang wala man ini nasalbar kag gindeklarar nga patay sang doktor.
