Ginbawian sang kabuhi ang Filipino mountaineer nga si Engineer Philip Santiago II samtang yara sa Camp IV sang Mount Everest kagab-i.
Ginkumpirmar sang pamilya ni Santiago ang masubo nga balita. Nag-apelar man sang privacy ang pamilya sang napatay nga Pinoy sa tion sang ila pagpangasubo.
Kahapon, nag-share sang post sa social media si Santiago kun sa diin iya gin-anunsyo nga yara na sila sa katapusan nga hugnat sang pagsaka sa Mt. Everest.
Suno sa Department of Tourism sang Nepal, ini ang una nga narekord nga kamatayon sang isa ka dumuluong nga manugsaka sa Mt. Everest.
Ang Camp IV nahamtang sa “Death Zone” sang Everest, isa ka makatalagam nga bahin sang bukid nga may manipis nga oksiheno kag tuman nga katugnaw, nga nagahimo sang tagsa ka tikang pakadto sa putukputukan nga tuman ka makatalagam.
