Padayon nga gina-verify sang Armed Forces of the Philippines (AFP) ang report nga isa ka Pinoy ang napatay samtang ginaalegar nagapakig-away sa bahin sang Russia sa giyera sa Ukraine.
Suno kay AFP spokesperson Col Francel Margareth Padilla, wala pa sang bastante nga impormasyon agud ma-verify ang identity sang nasambit nga indibidwal kag ang sirkumstansya sa palibot sang insidente.
Nahibaluan nga ang report naghalin sa Ukrainian news agency nga RBC-Ukraine, nga nagsiling nga isa ka 37-anyos nga lalaki gikan sa Metro Manila ang napatay samtang ginaalegar nagaserbisyo sa Russian military sa rehiyon sang Donetsk.
Base sa impormasyon halin sa Ukrainian intelligence, ginpahayag nga nagkadto sa Russia ang lalaki sang Abril kag nagpirma sang kontrata sa Russian armed forces sang Mayo antes nagpaidalom sa military training kag gin-assign sa frontline.
Samtang, liwat naman nga ginpahanumdom sang gobyerno ang mga Pinoy nga likawan ang pagpasakop sa armed conflicts sa iban nga pungsod.
