Nakapreparar nga magsambuwa si Filipino MMA fighter Jeremy “The Juggernaut” Pacatiw sa iya karibal nga si Enkh-Orgil Baatarkhuu.
Natalana ang hampang sa palaabuton nga Marso 8 sa Lumpinee Stadium in Bangkok, Thailand.
Antes ini makaatubang kuntani ni Pacatiw ang Russian MMA fighter nga si Ibragin Dauev sadtong tinalikdan nga semana apang wala ini nadayon bangud sa weight difference sa tunga sang duha ka fighter.
Bangud sini, nakasugtan sang One Championship nga pagasambuwaon sanday Pacatiw kag Baatarkhuu sa una nga semana sang Marso.
Suno kay Pacatiw, apisar nga wala nadayon ang iya una nga hampang ginakonsiderar sa gihapon niya nga ‘perfect timing’ ang iya mangin hampang.
Napabilin suno diri sang iya kampo ang preparasyon para sa anuman nga hampang, antes paman ginanunsiyo nga pagaatubangon niya ang Mongolian fighter.
Dugang pa ni Pacatiw, apisar ginkonsiderar niya si Baatarkhuu bilang isa ka mabaskog nga kontra, ginsiguro sang Pinoy fighter nga ihatag niya ang iya tanan nga ikasarang agud mahap-on ang 36-anyos nga kick boxer.
