Aminado si Pinoy weightlifter John Ceniza nga dako nga pagpanghangkat ang iya ginapangatubang sa una sini nga pagsabak sa Paris Olympics.
Madamo suno diri ang nagalaum sa iya nga dapat sundon si Hidilyn Diaz nga amo ang nagbulsa sang una nga gold medal sadtong Tokyo Olympics.
Magahampang si Ceniza karon alas 9:00 sang gab-i para sa 61-kilogram events sa South Paris Arena.
Ang 26-anyos nga lifter nagikan sa Cebu ang nakasulod sa Olympics matapos nga makuha ang panglima nga puwestosa ng International Weightlifting Federation (IWF) Olympic rankings.
Nag-training si Ceniza sa sulod sang isa ka bulan sa Metz, France kag Germany kaupod ang duwa pa nga Pinay weightlifter nga sanday Elreen Ando kag Vanessa Sarno.
Magasabak si Ando sa 59 kgs. event sa Agosto 8, alas 9:00 sang gab-i samtang si Sarno sa Agosto 10, ala 1:00 sang kaagahon para sa 71 kg. event.
