ROXAS CITY – Masami nagapahanumdom ang pinuno sang Roxas City Tricycle Operators and Drivers Operators (RCTODA) sa mga operators nga likawan ang overcharging sa ila mga pasahero, bangud mahimo sila nga ireklamo kag mahimo nga magbayad sang penalidad.
Ini ang ginpahayag ni Mr. Joseph Soberano, presidente sang RCTODA, sang mainterview sang Bombo Radyo.
Suno diri, ang direct command sang ila organisasyon amu ang operator gani kun may driver ang operator sang traysikol, panawagan sini sa mga operator nga pahanumduman ang ila driver sang insakto nga pagsuloktan kag pamatasan sa pagbiyahe.
Ini ang may kaangtanan sa wala-tuo nga reklamo sa mga tricycle driver sang nagligad nga adlaw kun sa diin wala naga-intindihanay sa tunga sang pasahero pag-abot sa pagsuloktan.
Ginpakigbahin man ni Soberano ang sitwasyon sang bag-o tukod nga dako nga mall sa may bahin sang Arnaldo Boulevard, kun sa diin nagabayad ang mga tricycle driver sang P15 sa una nga trip kag P5 sa mga masunod nga trip, agud makapila sa ila terminal.
Bangud sini, wala nagaguwa ang mga tricycle kun indi puno kag kun nagadali ang pasahero, may yara nga ginaakuparan ang tricycle.
Aminado si Soberano nga indi makareklamo ang nagapila diri nga mga tricycle bangud naintindihan nila nga pribado ang nasambit nga mall.
