Gin-athag sang Piston-Capiz Chapter nga wala sang pagapatigayunon nga transport strike sa probinsya sang Capiz sa Marso 19.
Sa interview sang Bombo Radyo kay Joebert Carandang, President sang Piston-Capiz Chapter, iya ginpahayag nga tinutuyo sang lapnagon nga hublag-protesta sang Piston-national ang pagpanawagan nga i-abolish ang train law kag oil deregulation law agud mapahagan-hagan ang presyo sang gatong.
Suno kay Carandang, apisar wala sang patigayunon nga transport strike sa probinsya, nagapadayon ang ila suporta sa ila groupo sa iban nga lugar.
Pahayag pa niya, indi na kinahanglan nga ganyaton nga mag upod sa hublag-protesta bangud sa padayon nga pagtaas sang presyo sang gatong, possible nga ang mga drivers na mismo ang maga-utat sa pagbyahe.
Nahibaluan nga pagkatapos sang ila nga hublag-protesta pagasundan ini sang grupo sang manibela.
Nagpanawagan man ang natungdan nga pamatian sang gobyerno ang ila panawagan agud mapahagan-hagan ang krisis nga nabatyagan indi lang ang yara sa transport sector kundi sa bug-os nga Pilipinas bangud man sa nagapadayon nga tension sa Middle East.
