Nagfile sang petisyon sa Land Transportation Franchising and Regulatory Board (LTFRB) ang transport group nga Pinagkaisang Samahan ng mga Tsuper at Operator Nationwide (PISTON).
Ini bangud man sa padayo nga tensyon sa Middle East nga nakaapekto sa fuel supply sa pungsod.
Sa interview sang Bombo Radyo kay Joebert Carandang, Chairman sang Piston Capiz, iya ginpahayag nga dako nga bulig para sa mga driver kon ma-aprobahan ang ila petisyon nga halin sa minimum nga pamasahe nga ₱13, himuon ini nga ₱23.
Suno kay Carandang, nga nagadapat nga ibasura sang gobyerno ang excise tax sa gatong kag ang Oil Deregulation Law agud mabuhin ang palas-anon sang transport sector sa pungsod.
Nagalaom naman ini nga magabalik sa ₱55 sa kada litro ang presyo sang diesel agud nga padayon makapahagan hagan sa galastohan sang mga driver sa adlaw-adlaw.
