-- ADVERTISEMENT --
Pito na ang kumpirmado nga patay kag 82 pa ang missing matapos ang massive landslide nga nag-igo sa Pasirlangu village, West Bandung, West Java, Indonesia.
Natabo ang insidente pasado alas 2:00 kahapon sang kaagahon, matapos narumpag ang bahin sang Mount Burangrang bangud sang mabaskog nga ulan.
Kapin sa 30 ka mga balay ang nalubong sa idalom sang lunang kag mga tinumpag nga nagtuga sang daku nga kahalitan sa komunidad.
Ginpangunahan naman sang National Disaster Mitigation Agency (BNPB) ang ang search and rescue operations, sa kolaborasyon sang Armed Forces of Indonesia, lokal nga mga panguluhan, kag mga boluntaryo.
Nangin mabudlay ang operasyon bangud sa wala untat nga pag-ulan kag pamahog sang dugang nga landslide sa lugar.
-- ADVERTISEMENT --
