TACLOBAN CITY, LEYTE – Kumpirmado nga pito ang napatay sa pag-igo sang Bagyo Opong sa Eastern Visayas, kalakip ang isa ka kwatro anyos gikan sa Biliran.
Madamo man sang mga panimalay ang naguba kag pila ka bahin sang Leyte, Baybay City, Almeria, Biliran, kag Samar ang naka-eksperyensya sang landslide.
Lubog man sa baha ang Ormoc City, Mahaplag, San Francisco sa Southern Leyte, Catbalogan City, kag iban pa nga lugar sa Samar.
Suno sa Office of the Civil Defence Region 8, may pito ka mga indibidwal ang na-rescue sa Homonhon Island samtang ang mga anay nareport nga nadula, nakabalik na sang maayos.
Naglab-ot sa 27,653 ka-tawo ang naapektuhan sang bagyo kag habagat, suno sa DSWD, nga padayon ang pagpanagtag sang bulig.
Sa subong, ginapatigayon ang search and rescue operations sang OCD kag iban pa nga ahensya sang gobyerno.
