Piyansa ni Lakam Chiu may kaangatan sa 124 counts sang qualified theft, ginpanubuan sang korte

Ginpanubo sang korte sang Quezon City ang piyansa ni Lakam Chiu, ang magulang nga babayi sang TV host-actress nga si Kim Chiu, nga nagapangatubang sang 124 ka kaso sang qualified theft.

Suno sa iya abogado nga si Atty. Dominic Solis, ginpanubo sang korte ang piyansa halin sa P5.8 million pakadto sa P5.6 million kag ginpahanugutan ini nga maka-post sang cash bond nga mahimo mabuhinan sang 50% ukon P2.8 million.

Magapabilin sa P5.6 million ang piyansa kun surety bond ang gamiton.

Matandaan nga nagapangatubang sang kaso si Lakam may kaangtanan sa ginaalegar P44.4 million nga financial discrepancies sa isa ka distributor company nga mutual stakeholder sang mag-utod.

Sa subong nagapabilin ini sa prisohan sa Kamuning Police Station sa Quezon City.