ROXAS CITY, CAPIZ- Napa-wow ang mga residente kag bisita sa Barangay Baybay, Roxas City, Capiz matapo nga nasaksihan ang tumalagsahon nga hitabo sa dagat sa diin nga nagpawa kag nagkintab ini nga tuga sang bioluminescence las 7:30 sang gab-i, sang Oktubre 28, 2025.
Sa interview sang Bombo Radyo kay Ronald Allan Cullo, Head sang Capiz Provincial Enviroment and Natural Resources Office (CapENRO), iya ginpahayag nga ang bioluminescence ang natural nga nagatuga sang kapawa halin sang mga plankton ukon magagmay nga organism nga masami makit-an sang kalalawran nga may malimpyo nga tubig.
Suno kay Cullo, nagakatabo ini sa tion nga may yara sang paghulag sa tubig, kaangay sang paglangoy, paghagumpaal sang balud, ukon pagpamadlos sang hangin.
Pahayag nya, sa tion nga may yara sang bioluminescence, ginadumilian anay ang pagpangkuha sang isda ukon ang magsalom agud nga mapabilin ang kaanyag sang kalalawran.
Dugang pa sang natungdan, ang kasubong nga hitabo ang manami sa panan-awan sa diin nga nagapakita nga ang dunang-manggad, matuod nga maanyag rason nga kinahanglan ini nga amli-an kag proteheran.
Interviewed by Bombo Francis Biñas
