ROXAS CITY – Ginpaboran na sang board of directors ang resolusyon ni General Manager Glen Delgado nga luyag ipaiway ang pagbakal sang bulk water supply ang Metro Roxas Water District (MRWD).
Ini ang ginkompirmar ni Delgado sang mainterview sang Bombo Radyo.
Suno kay Delgado nga gin-aprubahan ini sadtong Oktubre 27 sini nga tuig kasunod sini may yara man sila sang mga ginproponer nga mga proyekto para sa MRWD sa masunod nga tuig 2021.
Matandaan nga ginaplanohan sadto sang Metro Roxas Water District ukon MRWD nga magsulod sa isa ka kontrata nga bulk water gikan sa 3rd party supplier nga gin-aprubahan man sang board of directors sang talatapan sadtong Setyembre 26, 2020.
Mahibaluan nga ang pagbakal sang bulk water sa balor nga 23 pesos per cubic meter.
