ROXAS CITY – Narecover sa lugar ang isa ka plastic bottle sang dinamita kun sa diin gingamit sa 3 ka sakayang pandagat nga naguba sa Barangay Balogo, Pilar Capiz.
Sa impormasyon nga nakuha sang Bombo Radyo nagikan sa Pilar Municipal Police Station, ginapahayag nga nagpalab-ot sa ila talatapan sang report si Ronnie Bernal, yara sa legal nga pang-edaron, residente sang nasambit nga lugar kag katapo sang Capiz Provincial Bantay Dagat kun sa diin ginsiling sini nga naguba ang ila 3 ka sakayang pandagat kag ginapahayag ginhabuyan sang dinamita.
Mahibaluan nga wasak ang Mitsubishi 4D30 engine, nagaduag pula kag yellow, Yamma double engine nagaduag asul kag puti subong man ang Speed boat nga nagaduag pula kag yellow.
Sa karun padayon pa ang imbestigasyon sang mga otoridad angut sa nasambit nga insidente.
