ROXAS CITY – Ginahulat pa sang mga drivers sang Public Utility Jeepney (PUJ) ang taripa antes ang mga ini makapatuman sang pagtaas sa plete.
Ini ang ginpahayag ni Michael Sangrones, driver sang jeep nga may biyahe Jamindan to Roxas City kag vice versa.
Suno diri, indi pa sila mahimo magsukot sang dugang nga plete sa mga pasahero bangud wala pa sila sang ipakita nga taripa para diri.
Dugang pa sini, nga indi kuntani bastante ang nasambit nga pagtaas bangud sa wala untat nga pagtinaas man sa presyo sang produktong petrolyo, apang wala ini sang mahimo kundi pasalamatan.
Matandaan nga nauna nga gin-aprubahan sang LTFRB sang Hunyo ang P1 nga provisional fare hike sa mga PUJs sa NCR, Regions 3 kag 4, kag sa iban nga mga rehiyon rason nga nahimo ini sa P10.
Sandig sa ginpaguwa nga desisyon sang Land Transportation Franchising and Regulatory Board (LTFRB) napetsahan Hunyo 29, nakasaad nga mangin P11 na ang bag-o nga minimum nga pagsuloktan sa mga traditional Jeepney, samtang P13 naman sa Modernized Jeepney, sa kada una nga apat ka kilometro, epektibo Hulyo 1, sini nga tuig.
May yara man sa gihapon sang fae discount nga 20% sa kwalipikado nga senior citizen, estudyante kag persons with disabilities (PWD).
