-- ADVERTISEMENT --
ROXAS CITY- Nagpungko na bilang bag-o nga hepe sang Capiz Maritime Police Station si Police Major Wilmar Bolivar.
Nahibaluan nga gintal-usan ni Bolivar ang anay hepe sang Capiz Maritime Police Station nga si Police Lieutenant Semdan Sitchon nga na-assign naman sa karon sa Aklan Maritime Police Station.
Antes ini nga gin-assign sa probinsya sang Capiz, nangin anay hepe man ini sa Iloilo Maritime Police Station.
Sa nangin pahayag ni Bolivar sang ma-interview sang Bombo Radyo, yara ang ila presensya bilang miyembro sang Capiz Maritime Group kun kinahanglan ang ila nga suporta kag serbisyo.
