ROXAS CITY – Naghatag sang paandam sa publiko ang Philippine National Police (PNP) Anti-Cybercrime Division natuhoy sa cybercrime.
Sa interview sang Bombo Radyo Roxas kay Patrolman Emerito Frutas Jr., ang Community Relation Officer sang Anti-Cybercrime Unit sang Police Regional Office 6, ginpahayag sini nga nagadamo naman ang numero sang insidente sang mga paglapas sa Republic Act 10175 ukon ang Cybercrime Prevention Act.
Ginpahayag pa sini nga sakop man sang amo nga laye ang ‘online bullying’ ukon ang pagpangguba sa mga social media sites.
Magluwas pa diri, nakatutok man sila sa kampanya kontra sa Child Pornography, kag pagpatuman sang Anti-Photo and Video Voyeurism kag Safe Spaces Act.
Bukas suno sa iya ang ila nga talatapan para sa sinuman nga luyag magreport apang kinahanglan nga may yara ang mga ini sang ebidensiya kapareho sang mga screenshots ukon kopya natuhoy sa ila ginareklamo kag mga witnesses.
