MANILA, Philippines – Nagapati ang Philippine National Police “PNP”, nga mas mapabakod pa ang kampanya batok sa mga underground Philippine Offshore Gaming Operators “POGO”, sa pungsod pinaagi sa bag-o nga ginpirmahan nga Implementing Rules and Regulations “IRR”, sang Anti-Pogo Act of 2025.
Suno sa PNP, ang bag-o nga IRR magahatag sa mga law enforcement agencies sang dugang nga pwersa ukon mas mabakod nga tikang sa pagaresto sa underground gaming operations nga nagapadayon bisan may yara sang nationwide ban.
Pahayag ni Police General Jose Melencio C. Nartatez Jr., Chief sang Philippine National Police, ginpabakod sang PNP ang ila surveillance operations batok sa mga POGO hub nga ginapatihan nga nagapadayon sa operasyon.
Dugang pa niya, pagapabakuron man sang PNP ang koordinasyon upod ang iban pa nga law enforcement agencies agud matapna ang mga POGO nga makagamit sang mga kakulangan sa pagpatuman sang kasuguan, samtang ginpahanugutan man niya nga palig-onon ang case buildup batok sa mga POGO workers agud masiguro ang ila pag-atubang sa prosecution.
Nahibaluan man nga base Department of Justice “DOJ”, ang pagpirma sang IRR sang nagligad nga semana isa ka tikang padulong sa bug-os kag epektibo nga pagpatuman sang Anti-Pogo Act ukon Republic Act No. 12312.
