Liwat nga pagabuksan sang Philippine National Police (PNP) ang imbestigasyon sa pagkamatay sang ginluthang nga retirado nga heneral sang pulisya kag anay tiglikom sang Philippine Charity Sweepstakes Office (PCSO) nga si Wesley Barayuga.
Suno kay PNP Chief Police General Rommel Francisco Marbil, ini ang rason sang bag-o nga testimoniya nga naga-angut sa pila ka matataas nga opisyal sa pagpatay sa anay opisyal sang pulisya sadtong 2019.
Kasunod sini, ginmanduan ni Marbil ang Criminal Investigation and Detection Group (CIDG) nga magpanguna sa imbestigasyon.
Una na nga ginrewport nga ginbuyagyag ni Police Lt. Col. Santie Mendoza sa isa ka hearing sang House Quad Committee sadtong Setyembre 27 nga ginmanduan siya ni National Police Commission (NAPOLCOM) Commissioner Edilberto Leonardo kag sang anay PCSO General Manager Royina Garma nga planuhon ang pagpatay.
