Nakahanda ang PNP-Criminal Investigation and Detection Group (CIDG) nga arestuhon si Senator Rodante Marcoleta.
Suno kay CIDG-National Capital Region (NCR) Director PCol John Guiagui, kabahin sang mandato sang CIDG ang pagpatuman sang mando sang korte, kag indi sila magduha-duha sa pagserbe sang warrant batok sa sin-o man nga akusado nga indibidwal, ano man ang ila posisyon sa gobyerno.
Gin-ako ni Guiagui nga kinahanglan nga preparahan sang PNP ang pagdakop kay Marcoleta, sa tion nga mag-issue na sang warrant ang Sandiganbayan may kaangtanan sa plunder case agod masigurado ang matawhay kag safe nga pagtuman sang mandu.
Apang gin-athag ni Guiagui nga wala pa sila sang may nabaton nga panibag-o nga arrest warrant batok sa sin-o man nga mataas nga opisyal sang gobyerno nga nagapangatubang sang kaso.
Ginpasiguro ni Guiagui nga padayon ang operasyon sang CIDG sa pagpangita kag pagdakop sa iban pa nga mga akusado nga nagapabilin nga nagapalagyo may kaangtanan sa mga kaso sang flood control corruption scandal.
