Gin-alerto na sang Philippine National Police ang ila mga personnel sa Maritime Group kag Aviation Security Group bangud sa posible nga pagguwa sa pungsod ni Ronald dela Rosa.
Suno sa report, ginmandu-an ang mga otoridad sa mga airport kag pantalan nga magbantay kag magmonitor sa posible nga tikas sang senador samtang nagapadayon ang isyu may kaangtanan sa posible nga warrant of arrest batok sa iya.
Ginpahayag man nga kabahin ini sang standard security measures sang kapulisan agud masiguro nga masunod ang ano man nga mando ukon direktiba sang korte kag sang liderato sang PNP.
Sa pihak sina, wala pa nagahatag sang dugang nga detalye ang mga otoridad nahanungod sa eksakto nga tikang nga ila himuon batok kay Dela Rosa samtang ginahulat pa ang opisyal nga direktiba.
