Ginapadaluman sang Police Regional Office-6 ang imbestigasyon nga kun may bag-o nga drug groups nga naga-operate sa Western Visayas.
Suno kay Police Colonel Arnel Solis, spokesperson sang PRO-6 ginpahayag sini nga indi pa conclusive ang ila gina-uyatan nga impormasyon kag padayon pa ini subong nga gina-validate sang intelligence operatives.
Dugang pa sa ginalantaw nga pagpanghangkat amo nga limitado na ang mga impormasyon nga ginahatag sang nagkadalakdpan nga drug personalities nga kun sa diin sila nagakuha sang suplay sang iligal nga druga.
Sa pihak nga bahin, padayon nga gina-engganyo sini nga mga personalidad para mahimo na nga drug-free ang rehiyon.
Una na nga ginpahayag ni PRO-6 chief Police Brig. Gen. Jack Wanky, nga ang ginatumod sang Regional Intelligence Division kun may kaangtanan ang bag-o lang nadakpan nga drug suspects sa bag-o nga major groups ukon mga sindikato sa rehiyon.
Para man nga makonsiderar na ang grupo nga isa ka drug syndicate, kinahanglan sini nga makapasar sa validation nga gina-conduct sang Regional Police Intelligence Committee.
Nahibaluan nga sang Hunyo 1 tubtub sang Hunyo 22 lamang subong nga tuig, nagdangat sa P30.5-million nga balor sang shabu ang na-recover sang otoridad sa 176 ka anti-drug operations sa bilog nga Western Visayas.
(Photo: PRO 6)
