MANILA, Philippines – Ginatun-an sang Philippine National Police ukon PNP ang posibilidad nga magbutang sang “Help Desks” sa mga eskwelahan agud mas epektibo nga maatubang ang mga kaso sang bullying.
Ini kasunod sang nagluntad nga insidente sang pagpangluthang sa isa ka high school sa Tacloban City nga nagresulta sa kamatayon sang tatlo ka estudyante.
Suno sa Philippine National Police “PNP”, ang duha ka menor de edad nga ginatudlo responsable sa pagpangluthang, nga nagaedad 14 kag 15 anyos, ang ginapatihan nga nakabatyag sang bullying antes natabo ang insidente.
Bangud sini, ginpahayag sang PNP nga ginapalig-on sini ang koordinasyon sa Department of Education ukon DepEd agud mapalig-on pa ang mga programa batok sa bullying kag maprotektahan ang kaluwasan sang mga estudyante.
