Ginkumpirma sang Philippine National Police nga nakit-an si Senator Ronald ‘Bato’ dela Rosa nga naghalin sa senate premises sakay sa salakyan nga nakarehistro kay Senator Robin Padilla, matapos ang natabo nga shooting incident.
Ini ang ginbuyagyag ni Philippine National Police (PNP) Chief Jose Melencio Nartatez Jr. kun sa diin iya ginpakita ang video footage sang puti nga Toyota Fortuner nga nagapaguwa sa Senate Complex, ginabanta las 2:30 sang aga sang Huwebes, Mayo 14.
Ginkumpirma man mismo ni Interior Secretary Jonvic Remulla nga ang salakyan ang ginapanag-iyahan ni Padilla.
Una na nga gin-ako ni Senator Padilla nga ginapanag-iyahan niya ang nasambit nga salakyan kag sang ginpamangkot kun yara gid man sa sulod si Senator dela Rosa, nagkadlaw lamang ini kag nagpahayag nga hulaton na lang ang imbestigasyon.
Nahibaluan nga Mayo 11 sang liwat nga nagpakita si dela Rosa sa Senado matapos ang halos anum ka bulan man nga nangin dulaan bangud nga nagboto ini pabor sa pag-ilis sang Senate leadership.
