
Ginpahugot sang Philippine National Police (PNP) ang mga tikang sa seguridad para sa nabilin nga mga aktibidad sang Association of Southeast Asian Nations (ASEAN) Summit sa Pilipinas.
Samtang, ginpaathag sang PNP nga wala nila ginadilian ang mga gin-aresto nga raliyista nga bisitahon sang ila mga pamilya kag abogado sa Camp Bagong Diwa sa Taguig City.
Suno kay PNP spokesperson PBGEN Allen Rae Co, ginpahugot lamang nila ang mga regulasyon bangud kampo sang kapulisan ang gindal-an sa mga gin-aresto nga persona.
Ginpamangkot man ni Co ang pagdala sang pila ka raliyista sang mga kabataan sa tunga sang ila protesta.
Ginpahayag sang opisyal nga posible nga ginagamit lamang sang mga aktibista ang presensya sang mga menor de edad agud makakuha sang simpatiya halin sa publiko.
Padayon naman ang hugot nga pagbantay sang kapulisan sa mga importante nga lugar kun sa diin ginahiwat ang mga aktibidad agud masiguro ang seguridad kag kalinong tubtob matapos ang tanan nga aktibidad sang ASEAN










