Ginpanginwala sang Philippine National Police nga ginmanipula ukon gin-splice ang CCTV footage nga may kaangtanan sa nagluntad nga pagpangluthang sa Senado.
Sa isa ka press briefing, ginpahayag sang PNP nga orihinal kag wala sang ginbag-o sa video footage nga ila ginpresentar bilang kabahin sang imbestigasyon sa insidente. Ginpasiguro man sang mga otoridad nga ang tanan nga ebidensya nga ila ginakuha halin sa CCTV system sang Senado ang ginproseso suno sa nagakaigo nga pamaagi.
Una na nga nagpaguwa sang pahayag ang Office of the Sergeant-at-Arms nga nagasiling nga nagaserbe pa gihapon kag fully operational ang CCTV system sang Senado sang matabo ang insidente sang Mayo 13. Ginpahayag man nila nga gilayon nga ginhatag sa CIDG ang mga kopya sang footage matapos mag-request ang kapulisan.
Dugang pa sang PNP, padayon pa ang ila imbestigasyon agud matumod ang bug-os nga detalye sang pagpangluthang nga nagluntad sa guwa sang Senado kag naglab-ot sa mga personnel sang Office of the Sergeant-at-Arms kag National Bureau of Investigation
