Ginpasalig sang Philippine National Police (PNP) nga dakpon nila si Senador Ronald “Bato” dela Rosa kun magpakita ini sa impeachment trial ni Vice President Sara Duterte sa Hulyo 6, 2026.
Suno kay PNP Public Information Office Chief Colonel Allen Rae Co, handa ang kapulisan nga ipatuman ang ila mandato kun magpakita liwat ang senador.
Matandaan nga sa subong nagapangatubang si Dela Rosa sang arrest warrant gikan sa International Criminal Court (ICC) may kaangtanan sa kaso nga crimes against humanity sa kampanya batok sa iligal nga droga sa panahon sang administrasyon ni former President Rodrigo Duterte.
Samtang, nagapabilin nga wala sa mata sang publiko ang senador matapos gin-issue ang warrant batuk sa iya.
Dugang pa sang PNP, handa ang ila hanay nga ipatuman ang layi sa tion nga matumod ang nahamtangan ni Dela Rosa ukon kon boluntaryo ini nga magpakita sa anuman nga pagtililipon, lakip na ang impeachment trial ni VP Sara.
