PNP, hugot Nga ginpanginwala ang nagalapta nga impormasyon nga may yara sang ginaalegar shoot-to-kill order batok kay Senador Ronald “Bato” dela Rosa

Hugot naman nga ginpanginwala sang Philippine National Police (PNP) ang nagalapta nga impormasyon nga may yara sang gin-alegar shoot-to-kill order batok kay Senador Ronald “Bato” dela Rosa.
‎

‎Suno kay Police Colonel Allen Rae Co, gin-athag sini nga wala sang kasubong nga mando ang ginpagwa sang ila hanay.
‎

‎Kadungan sini, ginpahanumdom ni Co ang publiko nga mangin kritikal sa ginapalapta nga impormasyon kag siguraduhon nga naghalin ini sa opisyal kag masaligan nga sources.
‎
‎Ginhatagan man pagtamod sang PNP nga ang anuman nga operasyon may kaangtanan sa Dela Rosa ang pagahimuon suno sa kasuguan kag nagaluntad nga legal nga mga proseso.