Wala sang suspension of police operations para sa Communist Party of the Philippines New People’s Army (CPP-NPA) subong nga Paskwa.
Ini ang ginpahayag ni Philippine National Police (PNP) PIO Chief PBGen. Jean Fajardo.
Pahayag sini nga sadtong mga nakaligad nga panahon kun sa diin may Christmas ceasefire sa tunga sang mga otoridad kag sang terorista nga CPP-NPA, ginagamit nila ini nga oportunidad para maglapta sang kakugmat kag nag-atake sa tropa sang gobyerno.
Samtang, padayon man nga ginapreparahan sang Pambansang Pulisya ang nagahilapit nga ika-56 nga anibersaryo sang CPP-NPA sa Disyembre 26, 2024.
Suno kay Fajardo, kalakip sa ila hugot nga ginabantayan amu ang mga vulnerable kag mga yara sa suludlon nga lugar nga mga police station.
Dugang pa sini ginalauman man nila ang retaliatory attack sang CPP-NPA bangud asud-asod nga naaaresto sang gobyerno ang pila sa matag-as nila nga lider.
Pahayag pa ni Fajardo, kaupod sang PNP nga magabantay ang Armed Forces of the Philippines ukon AFP agud masiguro nga mangin malinong ang panahon sang Paskwa.
