-- ADVERTISEMENT --
Maga-deploy ang Philippine National Police (PNP) sang halos 70,000 ka mga katapo umpisa Disyembre 16 tubtob 24 agud masigurado ang kaluwasan sang publiko sa Simbang Gabi.
Suno kay Acting PNP Chief PLtGen. Jose Melencio Nartatez Jr., pabaskugon ang pagpatrolya, checkpoints, kag mobile units sa palibot sang mga simbahan.
Kaupod man sa pagpanghanda ang pakig-koordinar sa lokal nga gobyerno kag simbahan, pagbantay sa mga krimenalidad kaangay sang pagpangawat kag pickpocketing, kontrol sa trapiko, kag paghalong sa mga posible nga sunog kag iban pa nga emergency.
Ginsigurado sang PNP nga handa sila maghatag sang seguridad para sa maayos nga pagselebrar sang Paskwa.
