ROXAS CITY – Ginatugyan sang House of Representatives sa Philippine National Police ang paghatag sang reward money sa tawo nga nangin alagyan para makilala ang mastermind ukon utok sa pagpatay kay AKO-Bicol Representative Rodel Batocabe.
Sa exclusive interview sang Bombo Radyo Roxas kay Capiz 1st District Congressman Emmanuel ‘’Tawi’’ Billones, ginpahayag sini nga ang PNP lamang ang makadetermina kun kay sin-o makadto ang reward money nga nagalab-ot sa P50 milyones, bangud sila ang nakabaton sang impormasyon kag tip nga nangin alagyan para makilala ang identity sang mastermind.
Nagapati man ang kongresista nga daku ang nabulig sang reward money para makilala ang utok sa pagpatay kay Congressman Batocabe.
Nagpasalamat man ini sa PNP bangud sa ila nga pagtutuk sa kaso nahibaluan ang yara sa likod sang pagpatay sa ila kaupdanan sa Kongreso.
