Magapasaka sang kaso nga obstruction of justice ang Philippine National Police (PNP) batuk sa mga indibidwal nga nagbulig sa pagpanago sang Kingdom of Jesus Christ (KOJC) leader nga si Pastor Apollo Quiboloy.
Ini matapos ginsiling ni PNP chief Police General Rommel Francisco Marbil, nga naglunsyar na sang full investigation para sa mga tawo nga dalahig sa pagpanago sang pastor.
Matandaan nga nadakpan si Quiboloy sang nakaligad nga semana, sa sulod sang KOJC compound sa Davao City.
Nagapangatubang sa karon si Quiboloy sa mga kaso sa idalom sang Section 5(b) kag Section 10(a) sang Republic Act 7610 ukon Special Protection of Children Against Abuse, Exploitation, and Discrimination Act, kaupod ang non-bailable nga qualified human trafficking charge sa idalom sang Section 4(a) of Republic Act No. 9208.
