Magapatuman sang full alert status ang Philippine National Police sa bug-os nga pungsod umpisa Oktubre 30 tubtub Nobyembre 2 antes ang pag-obserbar sang All Saint’s Day kag All Soul’s Day ukon Undas.
Suno kay PCol. Allen Rae Co, ang hepe sang Public Information Office sang Philippine National Police (PNP), nga ang katuyuan amo nga mangin malinong ang pagpanglakaton sang mga nagapauli sa ila probinsya subong man ang pagbisita sang publiko sa mga sementeryo.
Maga-deploy ang kapulisan sang 72, 501 ka mga pulis magluwas sa halos 17,000 ka mga personalidad gikan sa Armed Forces of the Philippines, Philippine Coast Guards kag pila ka mga ahensya.
Dugang pa, ang kapulisan nagtukod sang koordinasyon sa nagkalainlain nga local government units agud masiguro ang epektibo nga implementasyon sang mga tikang sa seguridad.
