Ginpabaskog pa sang Philippine National Police (PNP) ang ila pagbantay sa mga gasolinahan matapos makabaton sang report nga pila ka mga gasolinahan ang nag-untat sa ila operasyon sa tunga sang nagapadayon nga krisis sa mga produktong petrolyo.
Suno kay PNP Chief PGen. Jose Melencio Nartatez Jr., gilayon sini nga ginmanduan ang mga hepe sang kapulisan nga gilayon makig-angot sa mga lokal nga panguluhan kag sa Department of Energy (DOE) agud hibaluon ang posible nga mga rason sa hinali nga pagsirado sang amo nga mga gasolinahan.
Suno sa iya, kun isa ka illegal scheme ukon isa ka exploitation ang rason sang ila hinali nga pagsirado, lauman nga magahimo sang tikang ang kapulisan angut diri.
Samtang, una sa tanan madumduman nga naghingyo sang bulig ang Energy Department sa kapulisan agud madakpan ang mga gasolinahan nga magahimulos sa sitwasyon sa Middle East agud magpataas sang presyo sang walking announcements gikan sa ila ahensya.
Kasunod sini, ginpasalig sang PNP nga may ginpreparar nga contingency ang ila organisasyon agud mapasiguro nga mapabilin sa gihapon ang kalinong kag katawhay kag indi ini maapektuhan sang nasambit nga giyera.
