Nagdeploy sang ginabanta 106,000 ka mga kapulisan sa bug-os nga pungsod ang Philippine National Police (PNP) bangud sa naka-heightened alert nga seguridad para sa Adlaw sang mga mamumugon subong nga adlaw, Biyernes, Mayo 1.
Suno kay PNP spokesperson PBGen. Randulf Tuaño, ginpatuman ang heightened alert sang Huwebes sa gab-i kag magapadayon ini tubtob Sabado bilang preparasyon sa ginapaabot nga madamo nga mga hublag-protesta.
Ginkumpirmar man sang PNP nga may tatlo ka grupo nga nag-apply sang rally permits sa Metro Manila, apang wala ini gin-aprubahan bangud ang mga lugar nga pagahimuan sang rally wala ginatudlo bilang freedom parks.
Bilang dugang nga tikang, ginmanduan man ang Civil Disturbance Management units nga maggamit sang body-worn cameras agud masiguro ang transparency kag husto nga dokumentasyon sang mga hublag-protesta.
