Pa-imbestigahan ni Philippine National Police (PNP) Chief, Police Gen. Rommel Francisco Marbil, ang pahayag ni Police Lieutenant Col. Jovie Espenido may kaangtanan sa ginapahayag nga pag-angkon sang “quota” kag “reward” system sa panahon sang kampanya kontra droga sang PNP kung sa diin kilala bilang Oplan Double Barrel, nga ginpatuman sadtong administrasyon ni Duterte.
Mahibaluan nga ginhatagan sang pagtamod ni Marbil nga isa ka mabug-at nga akusasyon ang ginpaguha kontra sa ila.
Ang review panel, nga ginpamunuan sang Office of the Deputy Chief PNP for Operations (ODCO) kag ginkabug-usan sang PNP Quad Staff, Internal Affairs Service (IAS), kag Human Rights Office, ginmaduan nga magpatigayon sang hugot kag i-evaluate ang Oplan Double Barrel, kalakip na ang mga pagbuyagyag ni Espenido.
Kalakip pa sa mandato sang review panel ang isa ka detalyado nga pag-usisa sa tanan nga aspeto sang kampanya batuk sa droga, partikular ang mga may kaangtanan sa kinamatarong sang tawo, operational protocols, kag accountability mechanism.
