ROXAS CITY – Preparado na ang mga kapulisan sa Capiz Police Provincial Office sa pagahiwaton nga Local absentee voting sa Abril 27, 2022.
Ini ang ginpahayag ni PMaj. Ruby Magallanes, tagpamaba sang Capiz-PPO sang ma-interview sang Bombo Radyo.
Suno kay Magallanes, nga yara sa 211 ang kabug-usan nga numero sang mga police personnel ang magapakigbahin sa Local absentee voting.
Dugang pa sini nga duwa ka venue ang pagahiwatan sang absentee voting, ini ang sa Capiz-PPO kun sa diin may yara sang 138 ka mga personnel ang maga-botar, samtang may yara naman sang 73 ka mga personnel sang 62nd Company sang regional mobile force battalion 6 ang maga-botar sa Camp Tapaz.
Ginpahayag man sini nga magluwas sang mga kapulisan nga magabotar, may yara man sang mga police personnel ang maga-assist sa ginapatigayon nga absentee voting kun sa diin nagpaidalom na ang mga ini sa orientation nga gin-conduct sang Comelec.
Ginsiguro man sini nga magapahamtang sila sang mobile force company sa mga banwa nga may yara sang election areas of concern.
