Ginreport sang Philippine National Police (PNP) nga wala sang “major incidents” nga natabo sa masobra 13 ka oras nga prosesyon sang imahen ni Jesus Nazareno subong nga Biyernes Santo, nga nagsugod las 11:30 sang gab-i sang Huwebes Santo, Abril 2.
Ginpahayag sang national police nga madinalag-on nga nasiguro ang kaluwasan kag seguridad sang prosesyon nga gintambungan sang masobra tunga sa milyon ka mga deboto.
Suno sa PNP, may kabug-usan nga 3,169 ka PNP personnel ang ginpahamtang agud maghatag sang padayon nga coverage.
Daku ang pagpasalamat ni PNP Chief PGen Jose Melencio Nartatez Jr. sa tanan nga kapulisan kag sa publiko sa ila kooperasyon, nga nagresulta sa malinong kag “incident-free” nga pag-obserbar sang Biyernes Santo sa Quiapo.
Base sa data sang PNP, nagresponde ang mga medical teams sa 397 ka minor incidents apang wala sang nareport nga napatay.
Sa kabilugan, ang prosesyon natapos sang luwas, nga ang float nagbalik sa Quiapo Church.
