-- ADVERTISEMENT --
Ginpabugal ni Philippine Olympic Committee president Bambol Tolentino nga may yara sang mga dalagkuan nga sporting events nga lauman nga diri sa pungsod pagahiwaton.
Liwat nga napahamtang sa pwesto si Tolentino bilang POC president matapos nga malutos ang anay basketbolista nga si Chito Loyzaga sa boto nga 45-15.
Siling sini nga ang resulta sang halalan ang nagapakita lamang nga madamo sa iya miyembro ang nagasalig sa iya pagpamuno.
Luyag sini nga mapabilin ang mga paghakot sang bulawan nga mga medalya ang mga atleta sang pungsod kasubong sang mga atleta nga sumabak sa nakaligad nga Paris Olympics kag Tokyo Olympics.
