Nagatukod ang Poland sang mas mabaskog nga anti-drone defense system sa eastern borders matapos ang pila ka ginasuspetsahan nga Russian drones nga nagsulod sa ila airspace subong nga tuig.
Suno kay Bombo Neva Intrepido Kessler, International Correspondent sa Poland, ang proyekto ang ginalauman nga matapos sa sulod sang duha ka tuig sa diin ang una nga bahin ang ginalauman nga mangin handa na sa sunod nga mga bulan.
Ang bag-o nga sistema ang pagalakipan sang pila ka layers sang protection lakip na ang weapons, missiles, kag teknolohiya nga makapauntat ukon makapugong sang drones.
Pahayag niya, ini ang magadugang sa daan na nga air defense system sang Poland agud masiguro ang mas safe nga pungsod.
Ginalauman nga binilyon ka euros ang maggasto sa amo nga proyekto sa diin ang pondo ang mahalin sa European programs kag suporta gikan sa Polish government.
Nahibaluan nga ang ini nga tikang ang kasunod sang mga insidente sa diin nagtuga sang disruptions ang drones lakip na ang pagpasirado sang airport kag pagkaguba sang buildings.
Pila ka mga European countries nga malapit sa Russia ang naga-upgrade naman sang ila depensa bangud sa mataas nga security concerns may kaangtanan sa away nila sang Ukraine.
