ROXAS CITY – Ginkumpimar sang Provincial Director sang Capiz Police Provincial Office ukon CPPO ang natalana nga pabiya sa pwesto sa masunod nga bulan sang Disyembre.
Ginpahayag ni Police Col. Canilo A. Fuentes nga masunod sini nga mangin assignment sa Region 13 ukon CARAGA Region bilang City Director sang Butuan City.
Madugay na nga nagahinyo si Fuentes kay PNP PLT Gen. Archie Gamboa sang break sa iya nga career bilang isa ka police officer.
Nahibaluan nga ginhatagan ini sang pamasahe ni Gamboa para gamiton sa pagpadulong subong nga adlaw sa CARAGA Region agud tsekyaron ang lugar.
Apang aminado ini nga wala pa sang pormal nga order ang pnp chief sa iya.
Gintuad naman ni Pol.Col Fuentes nga may mga interesado nga mga opisyal nga luyag magtal-us sa iya pwesto kalakip diri sanday anay Roxas City PNP Chief of Police Pol.Col Julio Gustilo kag anay Provincial Director sang Aklan Police Provincial Office nga si Pol. Col Lupe Manlapas.
