Pasidunggan sang Philippine National Police (PNP) si PMSgt. Fernando Marfa Jr., ang police officer nga napatay samtang gina-rescue ang duha ka Bantay Dagat (Sea Patrol) volunteers gikan sa nagabaskog nga suba sa Cadiz City, Negros Occidental, kadungan sang seaborne patrol sadtong Biyernes, Agosto 7.
Sa pahayag ni PNP Chief Gen. Marfa paagi sa padayon nga pag-alagad sa mga komunidad nga may pareho nga dedikasyon nga iya ginpakita sa iya katapusan nga mga tion.
Ginpasalig man sang hepe sang PNP nga ang tanan nga bulig kag benepisyo ang igahatag sa pamilya ni MSgt. Marfa, nga nagakilala sa iya bilang isa ka pulis nga napatay sa linya sang iya katungdanan.
Una diri, nagapatigayon sang pagpatrolya si Marfa malapit sa Sitio Bisang, Barangay Luna, sang Biyernes sang aga sang gin-anod sang mabaskog nga daludo sang tubig ang duha ka kaupod nga Bantay Dagat.
Nakuha ang iya bangkay matapos ang isa ka oras nga search operation.
Ini ang gindeklara nga dead on arrival sa Cadiz District Hospital kag gindeklarar nga patay bangud sa asphyxia tuga sang pagkalumos.
Sa pihak nga bahin, nagpalab-ot naman sang simpatiya ang national police sa kamatayon ni MSgt. Marfa, nga nagserbisyo sa PNP sa sulod sang 15 ka tuig.
