Naka full-alert status ang Police Regional Office 6 bilang pagpanghanda sa patigayunon nga 3-day protest sang Iglesia ni Cristo.
Sa interview sang Bombo Radyo kay Police Major Lailyn Sencil, Spokesperson sang Police Regional Office 6, iya ginpahayag nga may yara na sang deployment para sa ila mga katapo sa tion nga may grupo nga magapatigayon sang hublag-protesta.
Suno kay Police Major Sencil, isa pa lang ang ila nabalhag nga grupo nga nagkuha sang permit sa probinsya sang Iloilo.
Pahayag pa niya, importante ang pagkuha sang permit kun magapatigayon sang hublag agud nga matagaan sila sang nagakaigo nga proteksyon.
Nagapanawagan man ang natungdan nga patigayunon sa matawhay nga pamaagi ang pagpagwa sang sentimyento sa nagakatabo sa gobyerno agud nga malikawan ang mga inid maayo nga insidente.
Interviewed by: Bombo Sunnie Mae Batencila and Bombo Francis Biñas via Good Morning Philippines
