Nakahightened alert status na ang Police Regional Office 6 para sa nagahilapit nga pagsaulog sang Paskwa.
Sa interview sang Bombo Radyo kay Police Major Lailyn Sencil, spokesperson sang PoliceRegional Office 6, iya ginpahayag nga sang pag-umpisa sang bulan sang Disyembre, nakadeploy na ang mga katapo sang kapulisan sa mga simbahan, pantalan,public terminal,plaza kag iban pa nga pampubliko nga lugar nga ginadugukan sang tawo sa nasambit nga kahiwatan.
Suno kay Police Major Sencil, nagapakig-angut man sila sa mga local government unit agud nga mas mapsangkad ang pagpatuman sang seguridad.
Pahayag pa niya, mangin alerto kag vigilante sa lapnagon nga kinawatay kag pagpang-scam sa muni nga mga okasyon.
Nagapangayo man sang kooperasyon ang natungdan sa publiko agud nga mapabilin ang kalinong kag katawhay sang palibot.
