Naglab-ot na sa 858 ka mga illegal firearms ang nakumpiska sang Police Regional Office (PRO-6) sa Western Visayas sa sulod lang sang duha ka bulan.
Sa interview sang Bombo Radyo kay Police Major Lailyn Sencil, spokesperson sang PRO-6, iya ginpahayag nga ang mga armas nga nakumpiska ang boluntaryo nga gin-surrender humalin Mayo 15 tubtob Hulyo 31, 2026.
Suno kay Sencil, pinakamadamo nga numero sang armas nga na-recover sa Iloilo Police Provincial Office (PPO) nga nagalab-ot sa 410.
Ginasundan sang Antique PPO nga may 129 armas, Aklan PPO nga may 97, Capiz PPO nga may 95, Iloilo City Police Office nga may 59, Regional Mobile Force Battalion nga may 57 kag Guimaras PPO nga may 11.
Padayon naman ang kampaya sang mga kapulisan kuntra sa indi rehistrado nga armas-luthang.
