Nagtuga sang kontrobersiya ang mga campaign materials sang isa ka babaye nga political candidate para sa parliamento matapos natalupangdan nga lagragway sang iya bana ang nakabutang
Ang kandidata amo si Shayma Sami, nga nagapadalagan sa idalom sang Taqadum Party sa Kirkuk. Apang, sa tanan niya nga mga poster kag mga billboard, ang litrato nga gingamit amo ang iya bana nga si Sheikh Ahmed Ibrahim.
Sang ginpamangkot siya nahanungod sini, gindepensahan sang iya mister ang ila pamaagi kag nagsiling nga kabahin ini sang ila kultura.
Ang tumalagsahon nga estilo sang kampanya ang nakabaton sang kritisismo sa mga women’s rights activists, nga nagpanindugan nga ang nagapadalagn mismo ang dapat yara sa limelight agud makuha ang boto sang mga tawo, ilabi na nga ang iya ngalan yara sa balota.
