Nagapati ang isa ka progresibo nga grupo nga posible makaapekto sa pagpatuman sang mga layi ang nagaluntad nga political division sa Senado matapos sang panibag-o nga tensyon sa tunga sang pila ka mga senador.
Ini matapos nagpaguwa sang video si Senadora Imee Marcos may kaangtanan sa ginaalegar nga charter change plan sang pila ka miyembro sang Senado.
Sa interview sang Bombo Radyo kay Raoul Manuel, Karapatan National Council Member, iya ginpahayag nga indi dapat mabahiran sang bisan ano nga kabutigan ang Senado kon wala sang mabakod nga pamatuod.
Suno kay Manuel, daw makabig na kaangay palataw-an ang Senado bangud sang nagaluntad nga tensyon kag pagbag-o sang liderato sa sulod sang institusyon.
Pahayag pa niya, madamo sang mas importante nga mga isyu ang dapat tutukan sang mga mambabatas imbes nga mga personal nga interes lamang sang pila ka indibidwal.
Nagalaum man an natungdanm ngaimportante nga nakapokus ang Senado sa mga isyu nga direkta makaapekto sa pumuluyo kag sa pagpatuman sang mga layi sa pungsod.
